南戲傳奇/翡翠園/第十七齣/07白
出自中國古典戲曲資料庫
跳至導覽跳至搜尋
白囉個？原來是一位牌頭阿叔！沒得要捉當官啥？胡副使老爺到任之後，纔免個哉！丑先生認差哉，小弟要算廳裡滴頭行勢第一個戤廳角靠腳門大檔上朋友。小弟此來，要煩先生看一看賤造。副要算命啥？學生從來依命直講，勿曉得阿諛奉承個。說八字來！丑廿八歲，十一月二十子時。副廿八歲壬寅生個。看書介十一月二十子時，壬寅壬子癸亥壬子，一派是水。做人家直頭做子水裡去哉。今年又是壬子年，分明是海嘯亦遇子陣頭雨，水上加水。目下正在難星過度之際，只恐難免墮水之災。見惠子再看。丑其實小弟空身出來個，煩先生說完子，改日從重相謝。副真正窮和尚亦撞子極門徒。有錢推算，無錢請別。你要欠命，小弟倒勿奈煩討命介。丑勿肯賒，有拉裡，腰牌權當先生處。副呸！做鑰匙牌亦介大，劈來燒亦沒斤兩，用勿着。丑先生勿要看輕子，千二銅錢頂手，連酒水原値二千銅錢厾。副目今官府好個樣役子，白送別人還勿要來，請收子。丑再貼一條帶。副要他做啥？丑勿然，只道小弟慳吝哉。副罷罷，撞子你厾，生定要折本個。今年是交運脫運，開年是癸丑個，十年梟袖奪食，枯木逢雷，勿死要活離。咦！勿是得罪說，目下窮還有可，後底個窮，就像繡花針搠碎子豬膽，滴溜溜要苦個勿了來，沒好日子個哉。你就算盡子普天世界，到底勿能個有好日子個哉。丑真個！副無假。丑果然？副勿騙。丑抹涕介嚇，罷哉！唱
