南戲傳奇/翡翠園/第六齣/03白
出自中國古典戲曲資料庫
跳至導覽跳至搜尋
白區區非別，理刑廳裡復任公人王饅頭的便是。你道為啥了蓋個大號？家父是蘇州有名個王蒸籠，個星朋友道是我蒸籠裡出來個，大號就取之饅頭。其實學生作事闊綽，饅頭倒大子蒸籠拉裡。單是一節，爭個命運勿過。爺卵殼裡做公人，從勿曾走一場好差使，弄得破家蕩產。上年湖廣去投奔親眷勿着，借子急債，拿我裡底老來出怱。虧子一個斯文朋友，吐手三十多兩銀子，贖還子我，不致夫妻拆散。世界天上，有個樣好人？只是一時渾，勿曾問得渠姓名。搭家主婆商量，依舊來到江西南昌府理刑廳裡，服子舊役。指望訪問着子恩人，尋個補報機會。不覺又是一兩月，恰好亦差子兩場苦差，奔奔走走，個個恩人，再撞渠勿着。今朝我說原到衙門裡看看，只見管銅叫我上去標子一張朱單，說快去將舒秀才父子速速拿來，轉解到副使衙門，不得遲誤，如違四十革役。我心上老大一唬，我說壞了壞了，亦是一場隔搭事務來哉！我且稟明白子人，皂隸稟老爺，那舒秀才住在甚麼地方，注明了，小的好去拿來。只見渠一頭退堂，一頭吩咐道，你到麻長史那里去切腳，就知道了。我說個出有攛裡，此去一頓酒飯，一封切腳，東道穩促無疑。介眾生說着子銅錢銀子，兩隻腳𢵡𢵡渠勿住，只管望子前頭走哉。有星是介，看渠走到子麻府里阿肯住來。笑介個叫子要喫無錢酒，全靠工夫走。下
