南戲傳奇/翡翠園/第九齣/02白

副差人押丑上噲！王饅頭，你個公人勿是新出茅廬，就要賺銀子，也要看事務起個。舒德溥犯子啥等樣個對頭，你貪子個買命個得錢買放？嚇！受個樣竹爿夾棍痛苦，你是自作自受，也是該應個。我沒何可賠飯折工夫，也受個樣累，叫我囉裡說苦處？丑你看見我賺子幾哈銀子？一個窮秀才，飯飯也沒得拉屋裡喫，有啥銅錢買放？副賺勿賺也勿拉我第三隻腳上，只是走子犯人，少勿得稟子官，親捉親、鄰捉鄰個。老舒原有底老個，阿可以捉得渠個？丑噲！就是做公人也要積點德，老舒雖窮，到底是黌門中人個，舒大娘娘也是大門檻勿出個，搖腳額手捉渠到廳裡去出乖露醜，阿要子孫昌順個？副勿差，子孫是要昌順個，你今日再捉勿到，三十頭號，囉個替你嚇？丑噲！苦你勿着，只說王饅頭也逃走哉，你就替我介一限，也是朋友個情分。副個倒勿敢勞。走走，日頭轉西哉！官一出堂，就要帶上去個。只因一着差，滿盤多是空。丑啐！出來公人勿喫打，要個屁股種菜。下生急上唱