南戲傳奇/清忠譜吳本/第十三齣/03白

白自家吳縣裡第十七八班蓋一個替身公人許塔川便是。近日北京差個校尉得下來要捉奢鄉宦，駐扎拉西察院裡子，該應是吳縣承値。我里個星老當上朋友，用子兩個銅錢買囑子書房裡，竟勿差哉。單拿我里個樣新出來個苦惱子公人派得來承値，日日守死介能個守拉西察院裡子，一個騷低銅錢沒處摸。略有點來遲去慢，開口是王八肏的，閉口是浪小婦養的。輕則拳頭腳尖，重則是皮鞭木棍，打一個沒數。亦哉吚嚦嗚囉，滿嘴舌頭，一句也聽勿出，阿要累殺厾！姜姜個星蠻毴養個，肏囊子一飽臭酒哩，才去倘冷屍哉！嚇，我也去支渠一忽哩介。付內白拿茶來喫！丑阿唷，個星蠻毴養個，亦出來哉。困來蟲，才把個星毴養個諕退哉。嚇，不免叛了罷！下