南戲傳奇/翡翠園/第十七齣/04曲
出自中國古典戲曲資料庫
前腔為知恩報恩，為知恩報恩，攪招飛禍，連宵奔走無藏躲。白天下個人，呆到老舒住哉。我放子渠去，拚子比兩限，受點痛苦完子事哉，勿知那哼意思倒踱得居來，自首到廳，直弄到死罪。今日王府裡旨意下來，正要哈喇，亦虧子趙翠娘到麻府裡去盜出令牌，交付與我，我就到監裡弔出老舒，連夜放走子。我想個個麻長史，啥個好人？料挨風緝縫查出來，是我做個手腳，個條性命畢竟要了拉渠手裡哉。為此一徑逃走。走便走子，我思量連個一走也是多個。鎮日戤慣子廳角，賺慣子勿費本錢個銅錢銀子，那間一釐盤纏沒得，單身奔子出來，除子差使行杖，別無半點技藝。飯店裡為沒行李，勿肯留。做賊壞心地，勿肯做個叫化是個毧形，阿有人打發個？昨日餓到今日，勿要說眼花腳軟，一個腰只管彎子下來哉。就挨過子一日半日，到底要餓殺一遭。何勿早生淨土，免幾哈難過罷。我個牢命沒好日子哉，要死直頭去死。唱料今生命薄，料今生命薄，四面盡張羅，投生已無路。白咦！該死個畜生，就撞子絕命個所在裡哉。這一溪清水，豈勿是老王葬身之所。唱覷清清碧波，覷清清碧波，白我個家主婆，到底要撇你一遭哉。唱一身奈何，且由他結果。
